02-09-2023, 09:57 AM
Quote:Фондација Метаморфозис во соработка со Национален центар за одговор на компјутерски инциденти (МКД-ЦИРТ) при Агенција за електронски комуникации, организира вебинар “Основи на сајбер безбедност со МКД-ЦИРТ” на 15.02.2023 (среда) во 10:00 – 12:00 часот. Вебинарот се организира во рамки на проектот “Зголемување на граѓанското учество во Дигиталнaта агенда – ICEDA” ко-финансиран од Европската Унија.
Вебинарот е насочен кон градење на капацитетите на граѓаните за основите на сајбер безбедност, одржување на сајбер-хигиена, како и добри практики за безбедност на граѓаните онлајн, на дигиталните уреди и податоците на интернет. Меѓу другото, по вебинарот, граѓаните ќе знаат како да препознаат фишинг и лажни пораки, како да се заштитат на социјалните мрежи и како да ги заштитат нивните лични податоци на интернет. Граѓаните исто така ќе бидат запознаени со сајбер безбедност во домот, техники за заштита на важни податоци, користење на силни лозинки, рансомвер и важноста на бекап. На вебинарот исто така ќе се истакне и улогата која МКД-ЦИРТ ја игра во полето на сајбер безбедност, како и кои се услугите и бесплатните онлајн обуки кои МКД-ЦИРТ ги нуди за граѓаните.
Вебинарот ќе биде на македонски јазик и ќе се одвива преку ZOOM платформата. Сите регистрирани корисници ќе добијат линк за влез на ZOOM ден пред вебинарот, а оние кои ќе го проследат вебинарот ќе добијат и сертификати за учество на е-мејл адресите кои ги имаат оставено при регистрација.
Сите заинтересирани да го проследат вебинарот се поканети да ја пополнат регистрациската форма најдоцна до 13.02.2023.
Izvor: https://metamorphosis.org.mk/aktivnosti_...00-chasot/
Prijava: https://forms.gle/K38sz1zgpRSydfzR9
“If you think you are too small to make a difference, try sleeping with a mosquito.” - Dalai Lama XIV
